有幾個互不相識的家長，一同出席了學校去年的收生簡介會。之後他們在網上作了分享。
“校長話 2012-2018年 DSE成績5星5和4，高過全港平均四倍。他説這六年的大概有人入醫，工程等。有jupas offer的其中3x%是港大。這六年以來總計。其實好怪，好少學校用六年總計數字。”
“3x%入港大咁有幾多%有jupas offer? 要知jupas offer %先有用但佢好似冇講”
“好明顯係想避重就輕，唔想你知去年的成績。不過自從申請轉直資失敗後，都知道港華成績唔多好。”
“今日港華校長話剛剛呢屆有13人入醫+Law，可信嗎？”
“記得當時校場係話: [啱啱畢業呢屆總共有9個入醫 + Law 呢d坊間所謂的神科, 都不錯啊!]…… 不是13個啊!”
“佢話嗰9個係double degree, 另外就咁 law degree 有4個，所以加埋13個。不過校長俾我感覺好唔convincing, Q&A時有家長問自行人數佢都要揾先答到。”
“醫科double degree ? ”
“係指 LAW 嘅 Double Degree. 不過我係聽見醫+LAW都有9個, 有4個係DOUBLE DEGREE…..所以我同幾個一齊去聽嘅同學仔家長認為係讀 醫+LAW有9個, 當中讀DOUBLE有4個….因為之前講緊讀LAW的DOUBLE DEGREE, 而兩位上台分享的舊生都係修LAW的DOUBLE DEGREE”
“點解大家聽完有咁多唔同版本？ 話時話，尋日佢哋個簡介會都算係我聽咗咁多個（暫時）最差嘅一個，講到一舊舊，好似唔知自己想講乜咁。”
蘇校長自己擁有會計師學歷，可能他用上了Creative Accounting 的能力。
當大家關注一個事項，他就創造另一個”新詞彙”來令大家無從客觀比較。
在之前的某一年，當大家關注”畢業生的升學比率”。他就在校務報告中創造出”畢業生畢業數年後的升學比率”的”新詞彙”，令人大開眼界。
正如我問一間醫院的院長，”留院病人的存活率”。他回答的竟是”病人出院後三年的存活率”。可是，病人有可能院也出不了。
蘇校長的語言藝術造詣，不可說不厲害。
Creative Accounting, Fraud and International Accounting Scandals 1st Edition (Amazon)
由於，”新詞彙”跟”舊詞彙”可能只有一至數字之差，家長稍不留神，就會收錯料。
2019年2月